之前和朋友相約在尖沙咀見面叙一叙食個Brunch，當然要找個落腳點，朋友提意去一間出名食番茄麵嘅“餐廳”……星座這名字好似幾幽雅，遂跟他去試一下。
由朋友帶路，在金巴利道走入了一間殘舊的大廈商場，在地面那層繞咗一個圈，經一條頗為陰沉的樓梯落去地庫，心想好似唔太對路，好像跟這個名字有點不配合吧？幾經波折終於去到門口，原來是一間懷舊冰室。沒有光鮮的門面，亦沒有豪華的裝潢，但就是有一種好親切人情味的屋村茶餐廳感覺。雖然位置都幾隱蔽，在地庫未去過可能會好難搵，但原來有個路牌指示行樓梯落去就會見到。
入到去裝修欠奉，一排排座位坐得頗擠迫，一派舊式茶檔格局，但仍見高朋滿坐，食客們都在埋頭苦幹的吃著碗中寶，相信質素應該不俗。望望餐牌，主打番茄湯底，平均$30元左右，價錢中上不算太貴，這裡的招牌麵有一個芝士番茄撈蛋麵，見到都幾多人食，但因賣相欠奉加上唔想食得太膩，所以未有試。
我叫了一碗番茄餐肉通粉，上枱時碗面滿滿是鮮紅煮爛了的番茄碎，餐肉當然只是一般貨式但份量較少；番茄湯底不會太酸，較稠身但味道不太濃，可能因沒有用上太多茄膏的關係；番茄味夠香但未至於好像中環歌賦街那牌檔的馳名番茄湯，一啖飲落去好像在口腔引爆了一個番茄炸彈般，全感觀充滿番茄味；這裡的反而是清清的、淡淡的，慢慢滲出細水長流的味道，個人覺得一濃一淡大家各有千秋，完全視乎喜好而定。
縱觀質素未有太大驚喜，但仍是值得一試，多得朋友的推介，今次試到番茄濃湯通粉以外，濃中有清的另一境界。
Search